ఆంధ్రభారతి - తాళ్లపాక అన్నమాచార్య కీర్తనలు - ఈ పాదమే కదా యిలనెల్లఁ గొలిచినది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 10-6
సంపుటము: 1-66

తాళ్లపాక అన్నమాచార్య

రాగము: శ్రీరాగం

ఈ పాదమే కదా యిలనెల్లఁ గొలిచినది యీ పాదమే కదా ఇందిరాహస్తముల కితవైనది	॥ఈ పాదమే॥
ఈ పాదమేకదా ఇందరును మ్రొక్కెడిది యీ పాదమే కదా యీ గగనగంగ పుట్టినది యీ పాదమే కదా యెలమిఁ బెంపొందినది యీ పాదమే కదా యిన్నిటికి నెక్కుడైనది	॥ఈ పాదమే॥
యీ పాదమే కదా యిభరాజు దలఁచినది యీ పాదమే కదా యింద్రాదులెల్ల వెదకినది యీ పాదమే కదా యీ బ్రహ్మ గడిగినది యీ పాదమే కదా యెగసి బ్రహ్మాండమంటినది	॥ఈ పాదమే॥
యీ పాదమే కదా యిహపరము లొసగెడిది యీ పాదమే కదా ఇల నహల్యకుఁ గోరికైనది యీ పాదమే కదా యీక్షింప దుర్లభము యీ పాదమే కదా యీ వేంకటాద్రిపై నిరవైనది	॥ఈ పాదమే॥