Display:
అధ్యాత్మ సంకీర్తన
రేకు: 39-5
సంపుటము: 15-223
తాళ్లపాక పెదతిరుమలాచార్య
రాగము: వరాళి
వైకుంఠపతి నిన్ను వడిఁ గానవలెఁ గాక
పైకొని తద్విష్ణోఃపరమై యుండఁగను
॥పల్లవి॥
కాయ మేల బడలీని కడుపునించుకొఱకు
ఆయు రన్నం ప్రయచ్ఛతి యనఁగాను
ప్రాయ మేల తమకించీ పడఁతులకొఱకుఁగా
బాయట రుణానుబంధపశుపత్ని యనఁగా
॥వైకుంఠపతి॥
తలఁపేల చిక్కుపడీ ధనముకొఱకుఁగాను
అలమి ప్రాప్తవ్య మర్థ మనఁగాను
వెలసి యాతుమ యేల వెఱచీ దోషములకై
మలసి నిర్ధోషము సమంబ్రహ్మ మనఁగా
॥వైకుంఠపతి॥
ధర నిన్ని సుద్ధు లేల దరి చర్చఁ గూడువెట
నిరతి శ్రీవేంకటేశ నీవుండఁగా
శరణంటి నే నిట్టే జన్మము లెల్లఁ జింతించ
హరి నీ నామము భవహరమై యుండఁగను
॥వైకుంఠపతి॥
AndhraBharati AMdhra bhArati - telugu కీర్తన సాహిత్యము