ఆంధ్రభారతి - తాళ్లపాక అన్నమాచార్య కీర్తనలు - నన్ను నిన్ను నెంచుకోవో నారాయణా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 39-6
సంపుటము: 15-224

తాళ్లపాక పెదతిరుమలాచార్య

రాగము: గుండక్రియ

నన్ను నిన్ను నెంచుకోవో నారాయణా అన్నియు నీ చేతినే అదివో నారాయణా	॥పల్లవి॥
నా మన సెఱుఁగవా నారాయణా నేఁడు నాము లాయె వయసులు నారాయణా నామధారికపు మొక్కు నారాయణా ఆముకొని నీ ప్రియము లందునే నారాయణా	॥నన్ను॥
నగుతా నే నంటి నింతే నారాయణా యిదె నగ రెఱిఁగినపని నారాయణా నగవులు మాకుఁ జాలు నారాయణా అగడుసేయకు మిఁక నప్పటి నారాయణా	॥నన్ను॥
ననలు నీ వినయాలు నారాయణా, మంచి నను పంటి మిదివో నారాయణా ఘనుఁడ శ్రీవేంకటాద్రిఁ గలసితి విట్లైనను అనుమాన మెల్లాఁ బాసె నందు నారాయణా	॥నన్ను॥