ఆంధ్రభారతి - తాళ్లపాక అన్నమాచార్య కీర్తనలు - అందు కెంత గడించేవే ఆతనిమీఁద - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 702-1
సంపుటము: 16-7

తాళ్లపాక అన్నమాచార్య

రాగము: ముఖారి

అందు కెంత గడించేవే ఆతనిమీఁద పందెము వేయఁగా చేయి పట్టెఁగాక	॥పల్లవి॥
ఘనుఁ డాతఁ డేమైనా కాముకుఁడా చెలితోను ననుపున నూరకే నవ్వెఁగాక అనిశ మందరువంటి ఆరజపువాఁడా చెనకి పెనఁగఁగాను చేతనంటెఁ గాక	॥అందు॥
యిన్నిటా సరసుఁ డీతఁ డెమ్మెకాఁడా, ఆవనిత చన్నులు మోపఁగా సరసమాడెఁగాక సన్నల నందరిమీఁదాఁ జల్లే జాజర కాఁడా కన్నెవు పంతమాడఁగాఁ గప్రాన వేసెఁగాక	॥అందు॥
రసికుఁడాతఁడు కాతరపువాఁడా మానినులు కొసరి పైకొనఁగాను కూడెఁగాక యెగ శ్రీవేంకటేశుఁ డితఁడె మాయేలిక సుసరాన నిన్ను నేవె సుగుణ గాక	॥అందు॥