ఆంధ్రభారతి - తాళ్లపాక అన్నమాచార్య కీర్తనలు - అప్పటి నాసపడేవు అంగనలకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 703-4
సంపుటము: 16-16

తాళ్లపాక అన్నమాచార్య

రాగము: మంగళకౌశిక

అప్పటి నాసపడేవు అంగనలకు పిప్పిగాఁ గొంగువట్టి పెనఁగేవా రెవ్వరు	॥పల్లవి॥
తొడమీఁదఁ గూచుండి తొయ్యలి నీతో నవ్వఁగా యెడ చొచ్చి మాటాడే దెవ్వతె యిఁక విడువ కాపె నీవద్ద వెఁస గాచుకుండఁగాను చిడుముడి నూడిగాలు సేసేవా రెవ్వరు	॥అప్ప॥
చనవున నెలయించి సన్న లాపె సేయఁగాను యెనయ నిన్నుఁ బిలిచే దెవ్వతె ఇఁక మునుపనే నిన్నుఁగోరి మోమే ఆపె చూడఁగాను వొనర మందె మేళాన నొరసేవా రెవ్వరు	॥అప్ప॥
కాఁపురము సేసేయాపె కాఁగిలించుకుండఁగాను యేపున నిన్నుఁ జెనకే దెవ్వతే యిఁక ఆపె గూడె శ్రీవేంకటాద్రిఁ బ్రహ్లదవరద కాపాడి నన్నేలితివి కాదనేవా రెవ్వరు	॥అప్ప॥