Display:
శృంగార సంకీర్తన
రేకు: 703-5
సంపుటము: 16-17
తాళ్లపాక అన్నమాచార్య
రాగము: నాట
అన్నిటా జాణవౌదువు ఔభళేశ్వర
యెన్ని చూచుకొంటేను ఇట్టుండు మోహము
॥పల్లవి॥
మారుగొండలపైనుండి మగువఁ బాయఁగ లేక
కోరి వచ్చితి విందిరగుడిలోనికి
ఆరితేరినదేవుఁడ వగ్గ ళ్ళురుకుదురా
యేరీతివారికైనా నిటుపండు మోహము
॥అన్ని॥
నడుమను భవనాళినది వారుచుండఁగాను
కడు దాఁటి వచ్చితివి కాంత యింటికి
వడిఁ బారఁగా నేరీఁది వత్తురా సాహసమున
యెడయ కెవ్వరికై నా నిట్టుండు మోహము
॥అన్ని॥
యెదరుగద్దెల నెక్కి యెక్కుడు తమకమున
కదిసి కూచుంటి వింతిగద్దెమీఁదను
పొదిగి శ్రీవేంకటేశ పూఁచి మేరమీరుదురా
యెదలో నెవ్వరికై నా నిట్టుండు మోహము
॥అన్ని॥
AndhraBharati AMdhra bhArati - telugu కీర్తన సాహిత్యము