ఆంధ్రభారతి - తాళ్లపాక అన్నమాచార్య కీర్తనలు - నాఁటి వలపులు నేఁడు నానఁ బెట్టేవా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 747-2
సంపుటము: 16-272

తాళ్లపాక అన్నమాచార్య

రాగము: ముఖారి

నాఁటి వలపులు నేఁడు నానఁ బెట్టేవా వాఁటమాయ నీ సుద్దులు వంక లొత్తవలెనా	॥పల్లవి॥
నిన్ను నేమి ననము నీతో సరస మాడము యెన్నటిపొందులు మాతో నేల నవ్వేవు సన్నలనే మొక్కితిమి చాయల దీవించితివి కిన్నెరమీట్ల నింకా గిలిగించవలెనా	॥నాఁటి॥
ననుపువారము గాము నవ్వింపించుకో రాదు పనిలేనిపని యేల పట్టి తీసేవు తనీసితిమి మాలోనే తారుకాణ వచ్చె నీకు ఘనముగాఁ బాట వాడి కాఁక రేఁచవలెనా	॥నాఁటి॥
సమ్మతించ లేదు నేము చవులు పుట్టించ రాము కమ్మరఁ గమ్మర నేల కాఁగిలించేవు యిమ్ముల శ్రీ వేంకటేశ యీడ నన్నుఁ గూడితివి చిమ్ముచు నేకతా లాడి సిగ్గు రేఁచవలెనా	॥నాఁటి॥