Display:
శృంగార సంకీర్తన
రేకు: 749-3
సంపుటము: 16-285
తాళ్లపాక అన్నమాచార్య
రాగము: ఆహిరి
వేగిర మేలే కొసరు వేరే వుండఁగా నా-
తీగె కళల మోమైనా దెలిపించీఁ గాక
॥పల్లవి॥
దాపగు నామనసే తల కెక్క వలపించె
పాపము తన్నన నేలే బతుకుఁ గాక
యేపున నిపు డేమాయ హృదయములోనుచొచ్చి
చూపులు నావైనాఁ దను సూడువట్టీఁ గాక
॥వేగిర॥
వెక్కసపు వయసే విరహము పెరరేచే
పక్కన వాడు లింకేలే బతుకు గాక
కక్కసము వలెనా ఘన మర్మములు రాఁగి
చక్కదనము నాదైనా సాదించీ గాక
॥వేగిర॥
వింతగు నావాపులే వీడు దొడు లాడించె
పంతము దనతో నేలే బతుకు గాక
అంతటి శ్రీవేంకటేశు డన్నిటా నన్ను గూడె
యెంత కైనా నాచలమే యియ్యకొనీఁ గాక
॥వేగిర॥
AndhraBharati AMdhra bhArati - telugu కీర్తన సాహిత్యము