పరదేశిపట్టణమున పదుగురు నేగురుఁ గూడుక పరగఁగ వరి చెడ నూదర బలిసినయట్లాయ	॥పరదేశి॥
ఊరేలెడి యతఁ డలసత నూరకయుండఁగ నడుముల వారలు నిక్కపుగర్తలవలె నుండిన గతిని ధీరత చెడి తను జీవుఁడు దెలియఁగనేరక [1]యుండిన ధారుణిలోపల దొంగల ధర్మాసనమాయ	॥పరదేశి॥
వొడలంతంతకుఁ జిక్కఁగ నుబ్బినరోగము సుఖమున కెడమియ్యక నానాఁటికి నేఁచిన చందమున తడఁబడు [2]విజ్ఞానము గతి దప్పఁగ బలుపగు పట్నము కడుఁ జెడఁగా మాలవాడ ఘనమైనట్లాయ	॥పరదేశి॥
పొసఁగఁగ నిది గని యధికుడు [3]పుక్కటకాండ్ల నందరిఁ బసమారిచి [4]మొదలికర్తఁ బాలించిన గతిని పసగల తిరువేంకటగిరిపతి నాదేహపుఁ బురి నీ- వసమై వెన్న(న్ను?)కు బండ్లు వచ్చినయట్లాయ	॥పరదేశి॥

---

^[1] నిడురేకు 86- యుండఁగ.

^[2] ‘విగ్ఞానము’ అని రేకు.

^[3] నిడురేకు 86- వుక్కటి.

^[4] నిడురేకు 86- మాలిచి.