ఆంధ్రభారతి - తాళ్లపాక అన్నమాచార్య కీర్తనలు - నెట్టనఁ గన్నియ యిది నీకాఁగిట నెదిగి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 789-4
సంపుటము: 16-525

తాళ్లపాక అన్నమాచార్య

రాగము: శంకరాభరణం

నెట్టనఁ గన్నియ యిది నీకాఁగిట నెదిగి చుట్టమయి పట్టమేలే సుదతి నీకాయ	॥పల్లవి॥
ముప్పిరి నింతిచన్నులు మొలచిన నాఁటికి గొప్పలై తిప్పలై కొండలాయను యిప్పుఁ డిట్టె చూడఁగానె యీపెకన్నులుముత్తెపుఁ చిప్పలై విప్పలై చిలుకమ్ము లాయను	॥నెట్టి॥
కారుకమ్మి నెరులివి కలికికొప్పులోనికి మూరలై బారలై మోపులాయను యీరీతిఁ దీరుగల దీపెపిరుఁ దింతలో బారమై తోరమై బండికండ్లాయను	॥నెట్టి॥
భోగించునీలేమపొందైనకరములు సోగలై బాగులై తీగెలాయను యీగతి శ్రీవేంకటేశ యీకెచక్కఁదనాలు పోగులై లాగులై పూజలు నీకాయను	॥నెట్టి॥