ఆంధ్రభారతి - తాళ్లపాక అన్నమాచార్య కీర్తనలు - వచ్చె నదివో రమణుఁడు వాకిటి కోచెలులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 790-1
సంపుటము: 16-529

తాళ్లపాక అన్నమాచార్య

రాగము: దేసాళం

వచ్చె నదివో రమణుఁడు వాకిటి కోచెలులాల పచ్చిదేర నొక్కమాటే పలుకరే యిపుడు	॥పల్లవి॥
వెలఁదికి వెలినున్న విభునిఁ దోడుకరాక చెలు లేమిచెప్పినాను చెవిఁ బట్టవు మలసి యాతనితోడ మాఁటలెల్లా నాడక పలుపుపచారాలు పనిరావు	॥వచ్చె॥
చన్నులపై నాతనిమై సారె నప్పళించుకోక సన్న లెంత సేనినాను సమ్మతిగాదు కన్నుల నాతనిరూపు గక్కనఁ గనుఁగొనక వున్నతి మీరాకలకు వుల్లము గరఁగదు	॥వచ్చె॥
తిరమై యాతనిమోవితేనె చవిచడక సరుగ మీకానుకలు సంగతిగావు యిరవై శ్రీవేంకటేశుఁ డితలోనె యీకెఁ గూడె వెరగయ్యీ మీనేర్పులు వెలితిలేవు	॥వచ్చె॥