ఆంధ్రభారతి - తాళ్లపాక అన్నమాచార్య కీర్తనలు - ఎటువంటి మోహమో యింతి నీపై నతనికి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1-1
సంపుటము: 17-1

తాళ్లపాక పెదతిరుమలాచార్య

రాగము: సాళంగనాట

ఎటువంటి మోహమో యింతి నీపై నతనికి తటుకన నురమున ధరియించె నిన్నును	॥పల్లవి॥
కామిని నీ నడపులు గజగమనము లని కామించి నీ పతి కరిఁ గాచెను కోమలపు నీ పిరుఁదు చక్రభావ మని నేమమై చక్రము చేత నిలిపినాఁ డతఁడు	॥ఎటు॥
నెలఁత నీ నిలయము నీరజ మనుచుఁ బ్రియ మలరి జలజనాభుఁ డాయ నతఁడు కలికి నీ గళము శంఖముఁ బోలునని తాఁ దలఁచి పాంచజన్యధరుఁ డాయ నతఁడు	॥ఎటు॥
నిరతి నలమేల్మంగ నీ కురులు నలు పని అరుదార నీలవర్ణుఁ డాయ నతఁడు గిరికుచవని నిన్నుఁ గెరలి కౌఁగిటఁ గూడె పరగ శ్రీ వేంకటపతి యాయ నతఁడు	॥ఎటు॥