Display:
అధ్యాత్మ సంకీర్తన
రేకు: 154-5
సంపుటము: 2-256
తాళ్లపాక అన్నమాచార్య
రాగము: కాంబోది
ఇన్నాళ్లు నందునందు నేమి గంటిని
అన్నిటా శరణు చొచ్చి హరి నిన్నుఁ గంటిని
॥పల్లవి॥
అంగనల పసఁజిక్కి అలయికలే కంటి
బంగారువెంటఁ దగిలి భ్రమ గంటిని
ముంగిటిక్షేత్రాలంటి ముంచి వెట్టిసేయఁ గంటి
అంగపు నన్నే చూచి అంతరాత్మఁ గంటి
॥ఇన్నా॥
చుట్టాలఁ జేరి చూచి సుద్దులవావులు గంటి
మట్టులేని వయసుతో మదము గంటి
వట్టికామములుసేసి వరుస మాయలు గంటి
పట్టి నారాయణాయని భక్తి నిన్నుఁ గంటిని
॥ఇన్నా॥
వింతచదువులవల్ల వేవేలుమతాలు గంటి
సంతకర్మములవల్ల సాము గంటిని
యింతట శ్రీవేంకటేశ యిటు నాజీవభావము
చింతించి అందులోన నీ శ్రీపాదాలు గంటి
॥ఇన్నా॥
AndhraBharati AMdhra bhArati - telugu కీర్తన సాహిత్యము