ఆంధ్రభారతి - తాళ్లపాక అన్నమాచార్య కీర్తనలు - తనకే తెలుసుఁ గాక తఱవాతి పను లెలా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 31-6
సంపుటము: 17-187

తాళ్లపాక పెదతిరుమలాచార్య

రాగము: మేఁచబౌళి

తనకే తెలుసుఁ గాక తఱవాతి పను లెలా చనవు మనవు లింకా సారెఁ జెప్ప నేఁటికే	॥పల్లవి॥
చెవి కింపుగానిమాట చిందరగొనేటిపాట చవిగాని జాగరాలు సరియాఁకలు ఆవలిమోమైన నవ్వు అడవిఁగాసే వెన్నెల తనివి యాతని నెంతదడవు సాదించేనే	॥తనకే॥
అందీనందనిబొందులు ఆమనికాలపుఁ బొల్ల చెంది యుండని రతి చిత్తరువ్రాఁత సందడిలో సరసము జలదిలోపలివాన యిందుకై రమణుని యాలే దూరను	॥తనకే॥
తనివోనితమకము తవ్వక కన్నధనము కినయని వలపు తంగేటిజున్ను యెనసి శ్రీవేంకటేశుఁడే యిప్పుడే నన్ను మన సొక్కటాయను మచ్చిక లీడేరెనే	॥తనకే॥