ఆంధ్రభారతి - తాళ్లపాక అన్నమాచార్య కీర్తనలు - తెలిసితి మింక నెంత తేలించేవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 32-4
సంపుటము: 17-191

తాళ్లపాక పెదతిరుమలాచార్య

రాగము: శంకరాభరణం

తెలిసితి మింక నెంత తేలించేవే కలికివి పతి నెంత కారించేవే	॥పల్లవి॥
తరితీపులే కావా తమకము వెంచేవీని శిరసుమొక్కులే కావా చిమ్మి రేఁచేవి సరసములే కావా చవులు వుట్టించేవీని తెరలో చూపులే కావా తెమలించేవి	॥తెలిసితి॥
మంచి మాటలే కావా మక్కువలు వుట్టించేవి పొంచిన సిగ్గులే కావా పొడి సేసేవి మించుమురిపేలే కావా మిగులఁ జొక్కించేవి కొంచని బీరాలే కావా గుట్టు సేసేవి	॥తెలిసితి॥
తనువుసోఁకులే కావా తగులమి సేసేవి ననుపురతులే కావా నమ్మించేవి యెరసి శ్రీవేంకటేశుఁ డిదె ని న్నలమేల్మంగ నినువు నీటులే కావా నెయ్యము సేసేవి	॥తెలిసితి॥