అతిదుష్టుఁడ నే నలసుఁడను యితర వివేకం బిఁక నేది	॥అతి॥
ఎక్కడ [1]నెన్నిట యేమి సేసితినొ నిక్కపుఁ దప్పులు నేరములు గక్కన నిన్నిట కలిగిన నీవే దిక్కుగాక మరి దిక్కేది	॥అతి॥
ఘోరపుఁ బాపము కోట్ల సంఖ్యలు చేరువ నివె నా చేసినవి నీరసునకు నిటు నీకృప నాకిఁక కూరిమి నా [2]యెడ గుణమేది	॥అతి॥
యెఱిఁగి చేసినది యెఱఁగక చేసిన కొఱతలు నా [3]యెడఁ గోటు లివే వెఱపు దీర్చి శ్రీవేంకటేశ[4] కావు మఱవక నాగతి మరి యేది	॥అతి॥

---

^[1] ‘నిన్నిట’ అని రేకు.

^[2][3] ‘యడ’ అని రేకు.

^[4] నిడురేకు 29- వేంకట కావుము.