ఆంధ్రభారతి - తాళ్లపాక అన్నమాచార్య కీర్తనలు - దైవకృతంబట చేఁతట తన కర్మాధీనంబట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 13-3
సంపుటము: 1-79

తాళ్లపాక అన్నమాచార్య

రాగము: కన్నడగౌళ

దైవకృతంబట చేఁతట తన కర్మాధీనంబట కావలసిన సౌఖ్యంబులు గలుగక మానీనా	॥దైవ॥
ఎక్కడి దుఃఖపరంపర లెక్కడి సంసారంబులు యెక్కడి జన్మము ప్రాణులకేలా కలిగినది యెక్కడి మోహవిడంబన యెక్కడి యాశాబద్ధ(ంధ?)ము యెక్కడి కెక్కడ నిజమై యివి దానుండీనా	॥దైవ॥
యీకాంతలు నీద్రవ్యము లీకన్నుల వెడయాసలు యీకోరికె లీతలఁపులు యిట్టే వుండీనా యీకాయం బస్థిరమన కీదుర్దశలకు లోనై యీకల్మషములఁ బొరలఁగ నివి గడతేరీనా	॥దైవ॥
దేవశిఖామణి తిరుమలదేవుని కృపగల చిత్తము పావనమై దురితంబులఁ బాయక మానీనా ఆవిభు కరుణారసమున నతఁడే తను మన్నించిన ఆవేడుక లీవేడుక లాసలు సేసీనా	॥దైవ॥