ఆంధ్రభారతి - తాళ్లపాక అన్నమాచార్య కీర్తనలు - ఏల మాను నిద్దరికి నిటువంటి పొందులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 84-6
సంపుటము: 17-447

తాళ్లపాక పెదతిరుమలాచార్య

రాగము: రామక్రియ

ఏల మాను నిద్దరికి నిటువంటి పొందులు వేళాయఁ జెలికడకు విచ్చేయవయ్యా	॥పల్లవి॥
చెలికన్నుల నంటెను సింగారపు నీరూపు నిలిచెఁ బాదములందు నీపై తమి వలపు శిరసు కెక్కె వనితకు నీకుఁగానే కలిగె నెన్నడుమను కందువ నీగుణము	॥ఏల॥
యింతిమదిలోఁ బెరిగీ నిదె నీపై కోరికెలు పంతము చన్నుఁగొండలపై నాటెను వంతుకు నీవుంగరము వనితవేల నున్నది వింతాయ నీ విలువిద్య వెలఁదిబొమ్మలను	॥ఏల॥
మగువ నీబుద్దు లెల్లా మనసాయ రతివేళ తగె నీ ప్రేమ కలికితనమునను నగుతా శ్రీవేంకటేశ నాతి గలసితి విట్టె పగటు లిద్దరికిని పాయమున నిలిచె	॥ఏల॥