ఆంధ్రభారతి - తాళ్లపాక అన్నమాచార్య కీర్తనలు - తగులువిరి మోహాల దాయగాఁడా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 86-3
సంపుటము: 17-457

తాళ్లపాక పెదతిరుమలాచార్య

రాగము: ఆహిరి

తగులువిరి మోహాల దాయగాఁడా చిగురుఁ జెక్కిటివిూఁది చేయాల నీకును	॥పల్లవి॥
చూచితిమో చూడనో సొలసి ని న్నొకమాటు యేచి నన్నుఁ గొంగువట్టే విదేరా నీవు ఆచాయ నీపేరిటి దంటినో అననో వాచవిమాటలకే వలచేవు నాకును	॥తగులు॥
సెలవివెన్నెలనవ్వు చిందితినో చిందనో పలుమారు సరసాలే పచరించేవు నిలిచితినో నిలువనో నీ యెదుట నిటువచ్చి కలవి లేనివి గొన్ని కాఁకలు చల్లేవు	॥తగులు॥
మూవంకల దొరవంటా మొక్కితినో మొక్కనో నీ దేవులవు గమ్మంటా దీవించేవు ఆవేళ శ్రీవేంకటేశ అలమేలుమంగ నంటే వావిగూడె నని నన్ను వన్నెగాఁ గూడితివి	॥తగులు॥