ఆంధ్రభారతి - తాళ్లపాక అన్నమాచార్య కీర్తనలు - అక్కడివారినే నీవు అటు చెండుకోరాదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 87-5
సంపుటము: 17-465

తాళ్లపాక పెదతిరుమలాచార్య

రాగము: ఆహిరి

అక్కడివారినే నీవు అటు చెండుకోరాదా మక్కవతో నీ వేల మాకు మొక్కేవయ్యా	॥పల్లవి॥
రానిచేఁత లివి చూచి కన్నులెఱ్ఱఁ గారాదా తేనెమోవి యెంగిలయితేఁ దిట్టుకోరాదా ఆనిన మచ్చా లుండఁగ నటుమోము గారాదా మానవుగా నీ వేల వకు మొక్కేవయ్యా	॥అక్కడి॥
మొగి వింతవాసనకు ముక్కు మూసుకోరాదా నొగరుమాటలు వింటె నొడ్డుకో రాదా అగడయి బాస దప్పితే నటు లేచి పోరాదా మగిడి మగిడి యాల మారు మొక్కేవయ్యా	॥అక్కడి॥
తారుకాణ లయితేను తల వంచుకోరాదా మేర దప్పినపనికి మెచ్చరాదా యేరా శ్రీవేంకటేశ యిట్టే నన్నుఁ గూడితివి నారుకొని యిఁక నేల నాకు మొక్కేవయ్యా	॥అక్కడి॥