ఆంధ్రభారతి - తాళ్లపాక అన్నమాచార్య కీర్తనలు - నీ వేల సిగ్గువడేవే నెలఁతా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 802-1
సంపుటము: 18-7

తాళ్లపాక అన్నమాచార్య

రాగము: కాంబోది

నీ వేల సిగ్గువడేవే నెలఁతా యీవలఁ జెలికత్తెల మెగసక్కె మాడేమా	॥పల్లవి॥
చుక్కలవలె నీమోవి సూదివాటు లుండఁ గాను యిక్కున నీకెంగేల నేల మూసేవే తక్కుక గజరుఁజేఁతలవాఁ డు నీ మగడు యెక్కడా లేనిదా యందుకేమాయనే	॥॥
నాటుకోని చెక్కుల పై నవచంద్రకళ లుండఁ గాను గాటవుఁ గస్తూ రెంతకడు మెత్తేవే మేటియైన నీ విభుఁడు మిక్కిలి నారజకాఁడు ఆఁటదానికిఁ గలదే యందుకేమాయనే	॥॥
తగ నీమెయి నాడాడ తమ్మచదురు లుండఁగ పొగరుఁగుంకుమలేల పూసుకొనేవే జగములో శ్రీ వేంకటేశ్వరుఁడె జాజరకాఁడు అగపడి నిన్ను నేలె నందుకు నేమాయనే	॥॥