అప్పులవారే అందరును కప్పఁగఁ దిప్పఁగఁ గర్తలు వేరీ	॥అప్పుల॥
ఎక్కడ చూచిన నీ ప్రపంచమునఁ జిక్కులు సిలుగులుఁ జింతలునే దిక్కెవ్వరు యీ తీదీపులలో దిక్కుముక్కులకు దేవుఁడెఁకాక	॥అప్పుల॥
యేది [1]దలంచిన నేకాలంబును[2] సూదులమూఁటల సుఖములివి కాదన నౌననఁ గడ గనిపించఁగ[3] పోదికాఁడు తలఁపునఁ గలఁ డొకఁడే	॥అప్పుల॥
యెన్నఁడు వీడీ [4]నెప్పుడు వాసీఁ బన్నిన తమతమ బంధములు వున్నతి సేయఁగ వొప్పులు నెరపఁగ వెన్నుఁడు వేంకటవిభుఁడే కలఁడు[5]	॥అప్పుల॥

---

^[1] ‘దలఁచిన’ అని రేకు.

^[2] నిడురేకు 11లో- ఏది చూచినను ఇటువలెనేపో.

^[3] నిడురేకు 11లో- నౌననఁ గర్తలు వేరీ.

^[4] నిడురేకు 11లో- ఎన్నడు దీరీ.

^[5] నిడురేకు 11లో- డేకాక.