ఆంధ్రభారతి - తాళ్లపాక అన్నమాచార్య కీర్తనలు - ఏమని చెప్పుదునే మీకింతులాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 827-2
సంపుటము: 18-158

తాళ్లపాక అన్నమాచార్య

రాగము: భైరవి

ఏమని చెప్పుదునే మీకింతులాల చే ముంచి నాకు వలపు చిమ్మిరేఁచె నతఁడు	॥పల్లవి॥
మలసి నాపతిరూపు మతి నెంతదలఁచినా తలపోఁతనే కాని తమివోదు కలలోన నెటువలెఁ గాఁగిలించుకొనినాను వెలినున్న మేనిమీఁదివిరహము దీరదు	॥॥
యేలినవానిగుణాలు యెంత వీనుల వినినా ఆలకింపులే కాని ఆసలు వోవు పాలుపడి యాతఁడుఁ డే పానుపుపైఁ బడినాను తాలిమితో నావేడుక తనివొందదు	॥॥
ముంగిటఁ దనరాకకు మొగమెత్తు కుండినాను తొంగిచూపులే కాని తుందుడుకు వోదు చెంగట నంతలో వచ్చి శ్రీవేంకటేశుఁ డె కూడె కుంగనినాసంతోసము గురుతువెట్టరాదు	॥॥