ఆంధ్రభారతి - తాళ్లపాక అన్నమాచార్య కీర్తనలు - ఎందుఁ బొడమితిమో యెఱఁగము మా- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 14-1
సంపుటము: 1-83

తాళ్లపాక అన్నమాచార్య

రాగము: ముఖారి

ఎందుఁ బొడమితిమో యెఱఁగము మా- కందువ శ్రీహరికరుణే కాక	॥ఎందు॥
ఏఁటి జన్మమో యెఱఁగము పర- మేఁటిదో నే మెఱఁగము గాఁటపు కమలజుఁ గాఁచిన యీ నాఁటకుఁడే మా నమ్మిన విభుఁడు	॥ఎందు॥
యెవ్వారు వేల్పులో యెఱఁగము సుర- లెవ్వరో నే మెఱఁగము రవ్వగు శ్రీసతిరమణుఁడు మా- కవ్వనజోదరుఁ డంతరియామి	॥ఎందు॥
యింకా నేఁటిదో యెఱఁగము యీ - యంకెల బాముల నలయము జంకెల దనుజులఁ జదిపిన తిరు- వేంకటేశుఁడు మా విడువని విభుఁడు	॥ఎందు॥