ఆంధ్రభారతి - తాళ్లపాక అన్నమాచార్య కీర్తనలు - మఱఁగులేఁటి కింతట మన్నించవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 873-6
సంపుటము: 18-437

తాళ్లపాక అన్నమాచార్య

రాగము: ఆహిరి

మఱఁగులేఁటి కింతట మన్నించవయ్యా చిఱుత నీ సేసలు చిత్తగించవయ్యా	॥పల్లవి॥
మచ్చువేసి మాటలాడి మగువను వలపించి రచ్చలఁ బెట్టితి వింక రావయ్యా యిచ్చకములే సేసి యీవిగా మోవి యొసఁగి లచ్చనలు నించితి వెల్లవారు నెరిఁగిరి	॥॥
నయగారాలెల్లాఁ జూపి నంటున నవ్వులు నవ్వి దయతోఁ బెండ్లాడితివి తలఁచవయ్యా ప్రియములు పచరించి బిగువుఁజన్నులు ముట్టి క్రియలు మరిపి సిగ్గు బయలుసేసితివి	॥॥
చూపులనే యాసరేఁచి సొమ్ములు మేనఁ బెట్టి తీపులనే కూడితివి తెలియవయ్యా యేపున శ్రీ వేంకటేశ యిన్నిటా నేర్పరిఁ జేసి చేపట్టితి విందుకు నీచెలులు మెచ్చేరు	॥॥