అధ్యాత్మ సంకీర్తన
రేకు: 14-4
సంపుటము: 1-86
రేకు: 14-4
సంపుటము: 1-86
తాళ్లపాక అన్నమాచార్య
రాగము: సామంతం
| ఇతరము లిన్నియు నేమిటికి మతి చంచలమే మానుట పరము | ॥ఇతరము॥ |
| ఎక్కడి సురపుర మెక్కడి వైభవ- మెక్కడి విన్నియు నేమిటికి యిక్కడనే పరహితమునుఁ బుణ్యము గక్కునఁ జేయఁగఁ గల దిహపరము | ॥ఇతరము॥ |
| యెవ్వరు చుట్టము లెవ్వరు బంధువు- లెవ్వ రిందరును నేమిటికి రవ్వగు లక్ష్మీరమణునిఁ దలఁపుచు యివ్వలఁ దాఁ సుఖియించుట పరము | ॥ఇతరము॥ |
| యెందరు దైవము లెందరు వేల్పులు యెంద రిందురును నేమిటికి కందు వెఱిఁగి వేంకటగిరిరమణుని చిందులేక కొలిచిన దిహపరము | ॥ఇతరము॥ |