శృంగార సంకీర్తన
రేకు: 902-1
సంపుటము: 19-7
రేకు: 902-1
సంపుటము: 19-7
తాళ్లపాక అన్నమాచార్య
రాగము: దేశాక్షి
| ఏమనేమయ్య నీవు యేలికవు మాకునెల్లా ఆమనిగా మోవి చూపి యాస రేఁచేవు | ॥పల్లవి॥ |
| ఇచ్చకములే సేసి యెలయించి యెలయించి పచ్చిదేర నింతులను భ్రమయించేవు ముచ్చటలాడి కడు మోహములు పైఁజల్లి మెచ్చులుగా వలపించి మేకులు సేసేవు | ॥॥ |
| సందడిఁ జేతులు చాఁచి జవ్వనము లంటియంటి మంద పెండ్లి కూఁతులను మరిగించేవు విందులవీడెము లిచ్చి వేసాలు గడునెరపి యిందులోనే యేకతాన యెమ్మెల మించేవు | ॥॥ |
| నమ్మిక లెన్నైనా నిచ్చి నగవులు పచరించి మమ్ము నిందరినిఁ గూడి మన్నించేవు నెమ్మది శ్రీవేంకటేశ నేరుపులు పచరించి నిమ్మపండు చేతికిచ్చి నీటులు చూపేవు | ॥॥ |