Display:
శృంగార సంకీర్తన
రేకు: 914-4
సంపుటము: 19-76
తాళ్లపాక అన్నమాచార్య
రాగము: గంభీరనాట
ఇంకా మమ్ముఁ జెనకేవు యేరా వోరి
కొంకులేక కొసరేవు కొమ్మల నందరిని
॥పల్లవి॥
గోవుల మరపినట్టు గొత్లెతల వలపించి
కావరించి తిరిగేవు కానీకానీరా
వేవేలు ఇండ్లు చొచ్చి వెన్నదినేనంటానే
మోవులు చవిగొంటివి ముద్దియల నెల్లను
॥॥
పిల్లఁ గోవిరాగాలనె పెక్కుమంత్రాలు మంత్రించి
కల్లరివై తిరిగేవు కానీకానీరా
చల్లదుత్తలంటాను చన్నులపైఁ జేయి చాఁచి
కొల్లగొంటివి మానము కోమలులనెల్లను
॥॥
మడుగులఁ జొక్కుచల్లి మచ్చిక నేయించుకొని
గడుసరివై తిరిగేవు కానీకానిరా
నడుమ శ్రీ వేంకటేశ నన్ను నిట్టె యేలితివి
తొడిఁబడఁ గూడితివి తొయ్యలులనెల్లను
॥॥
AndhraBharati AMdhra bhArati - telugu కీర్తన సాహిత్యము