ఆంధ్రభారతి - తాళ్లపాక అన్నమాచార్య కీర్తనలు - ఘనుఁడైనవాని నింత కాకు సేతురా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 917-5
సంపుటము: 19-89

తాళ్లపాక అన్నమాచార్య

రాగము: ఆహిరి

ఘనుఁడైనవాని నింత కాకు సేతురా మనసునఁ బెట్టుకొని మంతనము లాడవే	॥పల్లవి॥
అంగనలు కొలువు సేయఁగ నుండేరమణుని వెంగెములాడకువే వేమారును సింగారించుక యద్దము చేతఁబట్టి చూడఁగాను చెంగట నాతనిమై మచ్చములు చూపకువే	॥॥
చెప్పరానిబాసలెల్లాఁ జేసేటిమగవానిఁ దప్పులెల్లా నెంచకువే తగవు గాదు ముప్పిరివల్లెవాటుతో మురిపెముచూపేవాని దుప్పటిపసపు చూపి దూరులు సేయకువే	॥॥
చేరి కాఁగిలించుకొన్న శ్రీ వేంకటేశ్వరుని నేరము లెంచకువే నీకుఁ దగదు కూరిమితో నిను వేఁడుకొంటా నుండేటివాని- తారుకాణచేఁతలెల్లాఁ దలఁపు సేయకువే	॥॥