ఆంధ్రభారతి - తాళ్లపాక అన్నమాచార్య కీర్తనలు - విరహంబు వేఁడాయ విరుల మొన వాఁడాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 964-1
సంపుటము: 19-367

తాళ్లపాక అన్నమాచార్య

రాగము: ఆహిరి

విరహంబు వేఁడాయ విరుల మొన వాఁడాయ తరవాతి పనుల కిటు తడవేల ఇఁకను	॥పల్లవి॥
పిలువరే నాయకునిఁ బ్రేమంపుచెలిమీఁద- నలఁదరే శ్రీగంధ మందాఁకాను నిలువరే కొంతవడి నిండురొద లిటు మాని కలికిమై చెమరించెఁ గంద మిఁకఁ బనులు	॥॥
చెరుగరే తురుములోఁ జెదరిజారిననెరులు కరఁగెనే చెలినుదటికస్తూరిబొట్టు మరుపరే కప్పురము మగువదప్పులు దీర నెరపుదము నేరుపులు నిమిషంబుమీఁద	॥॥
అంపరే యెదురుగా నతనికిఁ గానుకలు చెంపలనుఁ బన్నీరు చిలుకఁగదరే యింపులను శ్రీవేంకటేశుఁడిదె వచ్చి సతి సొంపులను గూడె నిఁక సొలయ నేమిటికే	॥॥