ఆంధ్రభారతి - తాళ్లపాక అన్నమాచార్య కీర్తనలు - నీకు నీకే కొంకనేల నెలఁత నిన్నేమనీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1086-4
సంపుటము: 20-514

తాళ్లపాక అన్నమాచార్య

రాగము: వరాళి

నీకు నీకే కొంకనేల నెలఁత నిన్నేమనీని చేకొని సేదదేరిచి చెక్కునొక్కరాదా	॥పల్లవి॥
సిగ్గుతోడ నున్నది చెలి నీవన్నమాటకు యెగ్గువట్టియున్న దలయించినందుకు నిగ్గుదేరుచున్నది నీవు చెనకినందుకు బిగ్గెఁ గాఁగిలించి కడుఁ బెనఁగఁ గరాదా	॥నీకు॥
మోనముతో నున్నది మొక్కళపునీచేఁతకు ఆనవెట్టుకున్న దేమో అనినందుకు పూనిపట్టుకున్న పొందేటినీకతలకు కానుకగా నీవే వచ్చి కలయఁగరాదా	॥నీకు॥
వఱపుపై నున్నది పంతములాడినందుకు తఱిఁ గెరలుచున్నది తక్కినందుకు యెఱిఁగి శ్రీ వేంకటేశ యింతలో నీవు గూడితి జఱసి సరసముల చనవియ్యరాదా	॥నీకు॥