ఆంధ్రభారతి - తాళ్లపాక అన్నమాచార్య కీర్తనలు - నీయందు నేరమి లేదు నే నెఱఁగనైతిఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1090-6
సంపుటము: 20-540

తాళ్లపాక అన్నమాచార్య

రాగము: ఆహిరి

నీయందు నేరమి లేదు నే నెఱఁగనైతిఁగాక ఆయమైన యెమ్మెకాఁడ వవుదువయ్యా	॥పల్లవి॥
మంతనాన నే నీతో మాటలాడినవియెల్ల అంతరంగముగఁ జెప్పె నాపె నాతోను యింతలోనే పెద్దరికా లేడేడ నాడుకొంటివి అంతటిదొడ్డవాఁడ వవుదువయ్యా	॥నీయం॥
గుమితాన నీవు నేనుఁ గూడినకూటములెల్ల అమరఁగ నాపె చెప్పె నందరితోను రమణుఁడ నీవలపు రచ్చఁ బెట్టుకోవలెనా అమసిఁన నిఁడుదొర వవుదువయ్యా	॥నీయం॥
ముచ్చట నీవును నేను మోహించినచేతఁలెల్లా పచ్చిచేసేఁ జెలులతోఁ బై పై నాపై అచ్చమై శ్రీవేంకటేశ అప్పటి నన్నుఁ గూడితిఁ వచ్చుపడ జాణఁడ వౌదువయ్యా	॥నీయం॥