ఆంధ్రభారతి - తాళ్లపాక అన్నమాచార్య కీర్తనలు - ఇంకనేల బొంకనూ ఇద్దరముఁ గూడితిమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1101-1
సంపుటము: 21-1

తాళ్లపాక అన్నమాచార్య

రాగము: భైరవి

ఇంకనేల బొంకనూ ఇద్దరముఁ గూడితిమి పొంకముగ నానతిమ్మా పూఁచి నవ్వే నేను	॥పల్లవి॥
ఆసలురేఁచుక పోయి ఆకెమీఁద వేడుకతో సేసలు వెట్టితివా చెలరేఁగి వేసరక నమ్మించి వేగినంతాఁ దమకించి బాసలు సేసితివా పలుమారును	॥ఇంక॥
చిక్కనినవ్వుతోడ సిగ్గులెల్లాఁ బెడఁబాయ చెక్కులు నొక్కితివా సేదలుదేర లక్కవలెఁ గరఁగఁగ లలనతో దూరుతాను మొక్కులు మొక్కితివా ముచ్చట దీరఁగను	॥ఇంక॥
వలపులు చల్లి చల్లి వంతులు వాసులెంచక అలుకదేర్చితివా ఆపెను నీవు యెలమి శ్రీవేంకటేన యిటు నన్నుఁ గూడితివి అలరీ యీసుద్దు లాడ నాడుకొంటివా	॥ఇంక॥