ఆంధ్రభారతి - తాళ్లపాక అన్నమాచార్య కీర్తనలు - వలచినదాని కెందు వాదు చెల్లదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1102-1
సంపుటము: 21-7

తాళ్లపాక అన్నమాచార్య

రాగము: సామంతం

వలచినదాని కెందు వాదు చెల్లదు బలువులే చూపవయ్య బాస దప్ప దిఁకను	॥పల్లవి॥
వేడుకకు వెలలేదు వెన్నెల కెంగిలిలేదు ఆడిక నీచేఁతలకు నడ్డములేదు వీడె మిందవయ్య నీవిద్యలెల్ల లోఁగొంటి వోడ కిట్టె నవ్వవయ్య వొరయ నిన్నిఁకను	॥వల॥
మరునికి వేళలేదు మాయలకు గురిలేదు వరుస నీకూటాలకు వావిలేదు సరుగ మో విందవయ్య చనవెల్లఁ జేకొంటి తెరలోనికి రావయ్య తెగ నీకు నిఁకను	॥వల॥
చిగురుకు చేఁగలేదు సిగ్గులకు తప్పులేదు తగు నీయాసోదానకు తనివిలేదు నిగిడి శ్రీవేంకటేశ నీవు నేనూఁ గూడితిమి మొగమెత్తి చూడవయ్య మొక్కే నేనిఁకను	॥వల॥