ఆంధ్రభారతి - తాళ్లపాక అన్నమాచార్య కీర్తనలు - ఏఁటికి దలఁకెద రిందరును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 17-1
సంపుటము: 1-101

తాళ్లపాక అన్నమాచార్య

రాగము: ఆహిరి

ఏఁటికి దలఁకెద రిందరును గాఁటపు సిరులివి కానరొ ప్రజలు	॥ఏఁటికి॥
ఎండలఁ బొరలక యేచిన చలిలో నుండక చరిలో నుడుకక అండనున్న హరి నాత్మఁ దలఁచిన పండిన పసిఁడే బ్రతుకరొ ప్రజలు	॥ఏఁటికి॥
అడవుల నలియక ఆకునలముఁ దిని కడుపులు గాలఁగఁ గరఁగక బడిబడి లక్ష్మీపతికి దాసులై పొడవగు పదవులఁ బొందరొ ప్రజలు	॥ఏఁటికి॥
పొక్కేటికాళ్ళ పుండ్లు రేఁగఁగ దిక్కుల నంతటఁ దిరుగక గక్కన తిరు ^[1]వేంకటగిరిపతిఁ గని వొక్క మనసుతో నుండరొ ప్రజలు	॥ఏఁటికి॥

^[1] ‘వేంకటపతి’ అని పూ.ము.పా.