ఆంధ్రభారతి - తాళ్లపాక అన్నమాచార్య కీర్తనలు - పరమపురుషుఁ డీబాలుఁడట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 199-2
సంపుటము: 2-509

తాళ్లపాక అన్నమాచార్య

రాగము: బౌళి

పరమపురుషుఁ డీబాలుఁడట హర విరుంచులు మొక్కేరదివో వాకిటను	॥పల్లవి॥
దేవుఁడితఁడు సర్వదేవతల కొడయఁడు వేవేలు వేదములచే వేద్యుఁడితఁడు దేవకీదేవికి వసుదేవునికిఁ గొడుకాయ యీవిధము నోఁచిరి వీరెంత భాగ్యవంతులో	॥పర॥
అంతటాఁ దానున్నవాఁడు అరయ స్వతంత్రుఁడు అంతయు నాదియులేని ఆదిమూరితి వంతుకు యశోదకు నవ్వల నందగోపునికి దొంతరకొడుకైనాఁడు తొల్లి వీరే పుణ్యులో	॥పర॥
ఇందిరావల్లభుఁడు ఇహపరనాయకుఁడు కందువ శ్రీవేంకటాద్రిఁ గాపున్నవాఁడు మందగొల్లెతలకెల్ల మరఁది దానైనాఁడు ఇందరు నిందరే వీరి కెన్నటి సంబంధమో	॥పర॥