ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు గలుగు మరి యీభాగ్యము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 199-3
సంపుటము: 2-510

తాళ్లపాక అన్నమాచార్య

రాగము: లలిత

ఎన్నఁడు గలుగు మరి యీభాగ్యము సన్నిధాయ నితనికి శరణనరే	॥పల్లవి॥
అదె చంద్రుఁ డుదయించె నచ్యుతుఁడు జనియించె అదనఁ గంసునిజన్మ మస్తమించెను పొదలిరి దివిజులు పొలిసిరి రాక్షసులు సదర మీ శిశువుకు శరణనరే	॥ఎన్నఁ॥
పాండవకులము హెచ్చె బాలకృష్ణుఁడిదె వచ్చె చండి దుర్యోధనుమూఁక జల్లన విచ్చె దండి గోకులము నిండె ద్రౌపది తపము వండె చండ్రప్రతాపున కిట్టె శరణనరే	॥ఎన్నఁ॥
రేపల్లె పుణ్యము సేసె శ్రీవేంకటేశుఁడు డాసె గోపికల మనసుల కొఱత వాసె కోపుల ధర్మము దక్కె గోవర్ధనగిరి నిక్కె చాపలమేఁటి కితని శరణనరే	॥ఎన్నఁ॥