ఆంధ్రభారతి - తాళ్లపాక అన్నమాచార్య కీర్తనలు - అతఁడే గతియని యంటే నన్నిటా మాన్యుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 199-4
సంపుటము: 2-511

తాళ్లపాక అన్నమాచార్య

రాగము: ముఖారి

అతఁడే గతియని యంటే నన్నిటా మాన్యుఁడు ఇతరాలు మానఁగానే యీతనికే శలవు	॥పల్లవి॥
శ్రీరమణుని నిత్యసేవకులకుఁ దొల్లె వేరులేని కర్మముల వెట్టి మాన్యము ఆరీతి నితనిభక్తులైన చనవరులకు ఆరితేరి పుణ్యపాపా లడ్డపాటు లేదు	॥అతఁ॥
తక్కక యితనిముద్ర ధరించిన దాసులకు చొక్కుల భవబంధాల సుంక మాన్యము లెక్కించ నితనికైన లెంకలకు బొడుకల- కొక్కట విధినిషేధా లూహింపలేవు	॥అతఁ॥
సరుస శ్రీవేంకటేశు శరణాగతులకును పరగ మాయల దొడ్డిబందె మాన్యము పరమమైన యితని పళ్లెముకూటివారికి ధరలో నేమిటివంకాఁ దప్పులే లేవు	॥అతఁ॥