ఆంధ్రభారతి - తాళ్లపాక అన్నమాచార్య కీర్తనలు - కనియుండి భ్రమసితిఁ గట్టా నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 199-6
సంపుటము: 2-513

తాళ్లపాక అన్నమాచార్య

రాగము: దేశాక్షి

కనియుండి భ్రమసితిఁ గట్టా నేను యెనలేక గురియైతి నిట్టే నేను	॥పల్లవి॥
తోలునెముకలు గట్టి దొరనంటా మురిసేను అలుబిడ్డల మరఁగు ఆహా నేను గాలి యాటించుకొని కాలములు గడపేను వోలిఁ బుణ్యపాపమందు వోహో నేను	॥కని॥
మంటివంక బదుకుతా మదియించి మురిసేను ఇంటిముంగిటనే వుండి యీహీ నేను వొంటివాఁడనై వుండి వూరఁగలవెల్లాఁ గోరే వొంటిన యాసల తోడ నూహూ నేను	॥కని॥
నూలికోకఁ గట్టువడి నున్ననై నే మురిసేను యీలాగు నాబదుకెల్ల యేహే నేను పాలించి శ్రీవేంకటాద్రిపతి నాకుఁ గలుగఁగ ఆలరినై గెలిచితి హైహై నేను	॥కని॥