ఆంధ్రభారతి - తాళ్లపాక అన్నమాచార్య కీర్తనలు - వెడలె వెడలె నదె వీధులవీధుల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 200-2
సంపుటము: 2-515

తాళ్లపాక అన్నమాచార్య

రాగము: నాట

వెడలె వెడలె నదె వీధులవీధుల తొడికి దైత్యులనుఁ దుంచఁగను	॥పల్లవి॥
కోటిసూర్యలొకకూటువ గూడుక చాటువ మెరసేటి చక్రము గాఁటపు వేవేలు కాలరుద్రులటు నీటునఁ దొలఁకేటి నిబిడచక్రము	॥వెడ॥
ప్రళయకాలముల బడబాగ్నలొలుకు- చలమరి ప్రతాపచక్రము కలకలరవముల కాలభైరవులు కలసి మెలంగేటి గండచక్రము	॥వెడ॥
యమసహస్రము లనంత మేకమై సమరము గెలిచేటి చక్రము అమరుచు శ్రీవేంకటాధిపు కరమునఁ దెమలకయుండేటి దివ్యచక్రము	॥వెడ॥