ఆంధ్రభారతి - తాళ్లపాక అన్నమాచార్య కీర్తనలు - మొక్కెద మిదివో మూఁడుమూర్తులును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 200-3
సంపుటము: 2-516

తాళ్లపాక అన్నమాచార్య

రాగము: బౌళి

మొక్కెద మిదివో మూఁడుమూర్తులును వొక్కరూపమై వొనరెఁ జక్రము	॥పల్లవి॥
చెండిన రావణు శిరోమాలికల దండల పూజల తఱచుగను మెండుగఁ గంసుని మెదడు గంధముగ నిండ నలఁదుకొని నిలిచెఁ జక్రము	॥మొక్కె॥
చించి హిరణ్యకసిపు పెనురక్తపు- అంచనర్ఘ్య పాద్యమ్ములను పంచజన ఘనకపాలపు టెముకను- పంచవాద్యములఁ బరగు చక్రము	॥మొక్కె॥
బలు మధుకైటభ ప్రాణవాయువుల అలరిన నైవేద్యంబులను యెలిమిని శ్రీవేంకటేశు హస్తముల వెలసి నిలచె నిదె విజయచక్రము	॥మొక్కె॥