ఆంధ్రభారతి - తాళ్లపాక అన్నమాచార్య కీర్తనలు - చేకొంటి నిహమే చేరిన పరమని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 200-4
సంపుటము: 2-517

తాళ్లపాక అన్నమాచార్య

రాగము: సాళంగం

చేకొంటి నిహమే చేరిన పరమని కైకొని నీవిందు కలవే కాన	॥పల్లవి॥
జగమునఁ గలిగిన సకలభోగములు తగిన నీప్రసాదములే యివి అడపడు నేఁబదియక్షరపంఙ్క్తులు నిగమగోచరపు నీమంత్రములే	॥చేకొం॥
పొదిగొని సంసారపుత్రదార లిల వదలని నీదాసవర్గములే చెదరక యేపొద్దుఁ జేయు నాపనులు కదిసిన నియ్యాజ్ఞాకైంకర్యములే	॥చేకొం॥
నలుగడ మించిన నాజన్మాదులు పలుమరు లిటు నీపంపు లివి యెలమిని శ్రీవేంకటేశ్వర నీ విఁక వలసినప్పుడీ వరములు నాకు	॥చేకొం॥