చక్కఁదనముల వారసతులాల యిక్కువతెక్కువల మీ రేమి సేసే రిఁకను[1]	॥చక్క॥
ఒప్పుగా నరకము మాకు [2]బళిచ్చి మనమెల్ల కప్పము గొంటిరిగా యంగనలార అప్పుడే గోవిందునికి ఆహి వెట్టితిఁ జిత్తము యిప్పుడు యెమ్మెల మీ రేమి సేసే(?)రిఁకను[3]	॥చక్క॥
పంచమహాపాతకాల బారిఁ దోసి మా సిగ్గులు లంచము గొంటిరిగా నెలఁతలార వంచన తోడుత హరివారమైతి మిఁక మీ యించుక గుట్టుల మీరెందు చొచ్చే [4]రిఁకను	॥చక్క॥
దొంగిలి మాగుట్టులెల్లా దోవ వేసి మరుబారి భంగ పెట్టితిరిగా వోభామలార చెంగలించి వేంకటేశు సేవకుఁ జొచ్చితిమి యెంగిలి మోవులును మీ రేడఁ బడే రిఁకను	॥చక్క॥

---

^[1] నిడురేకు 26- యెక్కువతక్కువలు మీరు యెందుఁ బోయేరికను.

^[2] బలి + ఇచ్చి. బలి = చర్మకోశము. ‘బలీ’ చామరదండే స్త్రీత్వకోశే గృహదారుణి ఇత్యాదిగా ప్రతాపనిఘంటు.

^[3] నిడురేకు 26- యెమ్మెలు మీరు నేడఁ జొచ్చేరిఁకను

^[4] నిడురేకు 26- గుట్టును మీరు యెందు.