ఆంధ్రభారతి - తాళ్లపాక అన్నమాచార్య కీర్తనలు - కానవచ్చీఁ గానరావు కమలాక్ష నీమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 200-5
సంపుటము: 2-518

తాళ్లపాక అన్నమాచార్య

రాగము: లలిత

కానవచ్చీఁ గానరావు కమలాక్ష నీమాయ తానే వెంటవెంటఁ దగిలీ నిదివో	॥పల్లవి॥
తొల్లి నీవు గలవు తోడనే నేఁను గలను యెల్లగా నీప్రపంచము యింతాఁ గలదు కొల్ల యెద్దు లెప్పటివే గోనెలే కొత్తలైనట్టు చల్లని నేనొకఁడనే జన్మములే వేరు	॥కాన॥
వేదములు నాటివే వినుకులు నాటివే ఆదినుండి చదివే నదియే నేను వేదతో వెన్నవట్టి నేయి వెదకఁబోయినయట్టు దాదాత నాతెలివి యితరుల నడిగేను	॥కాన॥
వైకుంఠమూ నున్నది వరములు నున్నవి యీకడ శ్రీవేంకటేశ యేలితి నన్ను కైకొని పువ్వు ముదిరి గక్కనఁ బిందెయైనట్టు నీకు శరణనఁగాను నే నేడేరితిని	॥కాన॥