ఆంధ్రభారతి - తాళ్లపాక అన్నమాచార్య కీర్తనలు - ఏది నిజంబని యెటువలె నమ్ముదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 201-2
సంపుటము: 3-2

తాళ్లపాక అన్నమాచార్య

రాగము: బౌళి

ఏది నిజంబని యెటువలె నమ్ముదు పోదితోడ నను బోధింపవే	॥పల్లవి॥
సత్తు నసత్తని సర్వము నీవని చిత్తగించి శ్రుతి చె ప్పెడిని వుత్తమమధ్యమ మొగిఁ గలదని మరి యిత్తల శాస్త్రము లేర్పరచీని	॥ఏది॥
నానారూపులు నరహరి నీవని పూనిన విధు లిటు పొగడెడిని మానక హేయము మరి వుపాధే(దే?)యము కానవచ్చి యిలఁ గలిగియున్నవి	॥ఏది॥
భావాభావము పరమము నీ వని దైవజ్ఞులు నినుఁ దలఁచెదరు శ్రీవేంకటగిరిఁ జెలఁగిన నీవే తావుగ మదిలోఁ దగిలితివి	॥ఏది॥