ఆంధ్రభారతి - తాళ్లపాక అన్నమాచార్య కీర్తనలు - వెఱ్ఱివాఁడ వెఱ్ఱివాఁడ వినియుఁ గనియుఁ మరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 201-6
సంపుటము: 3-6

తాళ్లపాక అన్నమాచార్య

రాగము: బౌళి

వెఱ్ఱివాఁడ వెఱ్ఱివాఁడ వినియుఁ గనియుఁ మరి వెఱ్ఱి దెలిసి రోఁకలి వేరె చుట్టేఁ గాక	॥పల్లవి॥
పుట్టించిన వాడవట పూచి నన్నుఁ బెంచలేవా కట్టఁగడ నమ్మని నాకడమే కాక వొట్టి నాలో నుందువట వొగిఁ బాపము నాకేది గట్టిగాఁ బుణ్యము వేరే కట్టుకొనేఁ గాక	॥వెఱ్ఱి॥
యేడనైనా నీవే యట యెదుట నుండఁగలేవా వేడ(డె?) వెట్టి యేడనై నా వెదకేఁ గాక ఆడినదెల్లా నీవట అందులోఁ దప్పులన్నవా వీడు పడ్డ తలఁపుతో వెరచేఁ గాక	॥వెఱ్ఱి॥
భావించితే మెత్తువట పరము నీ వియ్యలేవా నీవాఁడననని నా నేరమే కాక శ్రీవేంకటేశుఁడ నేను చేరి నీకు శరణంటి దేవుఁడవై కావఁగా నే దిద్దుకొనేఁ గాక	॥వెఱ్ఱి॥