ఆంధ్రభారతి - తాళ్లపాక అన్నమాచార్య కీర్తనలు - భక్తసులభుఁడును పరతంత్రుఁడు హరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 202-4
సంపుటము: 3-10

తాళ్లపాక అన్నమాచార్య

రాగము: సాళంగం

భక్తసులభుఁడును పరతంత్రుఁడు హరి యుక్తిసాధ్య మిదె యొకరికీఁ గాఁడు	॥పల్లవి॥
నినుపగు లోకముల నిండిన విష్ణుఁడు మనుజుఁడ నాలో మనికియయ్యె మునుకొని వేదముల ముడిగిన మంత్రము కొననాలికలలోఁ గుదురై నిలిచె	॥భక్త॥
యెలమి దేవతల నేలిన దేవుఁడు నలుగడఁ నధముని నను నేలె బలుపగు లక్ష్మీపతి యగు శ్రీహరి యిల మా యింటను యిదివో నిలిచె	॥భక్త॥
పొడవుకుఁ బొడవగు పురుషోత్తముఁడిదె బుడిబుడి మా చేతఁ బూజ గొనె విడువ కిదివో శ్రీవేంకటేశ్వరుఁడు బడి వాయఁడు మా పాలిట నిలిచి	॥భక్త॥