ఆంధ్రభారతి - తాళ్లపాక అన్నమాచార్య కీర్తనలు - జ్ఞానినైనా నీకుఁ బో దజ్ఞానినైనా నీకు బోదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 202-5
సంపుటము: 3-11

తాళ్లపాక అన్నమాచార్య

రాగము: లలిత

జ్ఞానినైనా నీకుఁ బో దజ్ఞానినైనా నీకు బోదు నేను చేసిన నేరమి నీకే సెలవయ్యా	॥పల్లవి॥
గరిమ మా పుట్టుగు నీ గర్భవాసములోనే అరయ మా మోక్షము నీ యరచేతిదే వెరవు లెంచుకోఁబోతే వేరే మాకు గతి లేదు నిరతి మా బదుకులు నీకు సెలవయ్యా	॥జ్ఞాని॥
నిండిన మా కోరికలు నీ పెర రేఁపులే వుండఁ జోటు నీకు నా వుల్లములోనే చండి పెట్టి మాకైతే స్వతంత్ర మించుకా లేదు నిండిన మా చేఁతలెల్లా నీకే సెలవయ్యా	॥జ్ఞాని॥
యిదె మా సంసారములు యిట్టె నీ కల్పితములు తుదమొదలును నీవే తోడునీడవు యెదుట శ్రీవేంకటేశ యేలిన వాఁడవు నీవే నిదుర మా దినములు నీకే సెలవయ్యా	॥జ్ఞాని॥