ఆంధ్రభారతి - తాళ్లపాక అన్నమాచార్య కీర్తనలు - పురుషుల నీ గతి బోధించి బోధించి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 203-1
సంపుటము: 3-13

తాళ్లపాక అన్నమాచార్య

రాగము: సామంతం

పురుషుల నీ గతి బోధించి బోధించి సురతసమాధియందుఁ జొక్కించే రదివో	॥పల్లవి॥
కొంకక సతుల నేటి గురువు లందరికి కంకిగా మర్మాలు సోఁకఁగ హర్షించి లంకెలను బంచాంగుళహస్త మస్తకమున వుంకువఁ దమ యంగము వుపదేశించేరు	॥పురు॥
మదనమంత్రములెల్ల మరి చెవిలోనఁ జెప్పి మొదల నఖాంకురపుముద్రలు వెట్టి పది మారులుఁ దమ్ములప్రసాదములు వెట్టి వుదుట సంసారబ్రహ్మ ముపదేశించేరు	॥పురు॥
బడలించి అనంగపర వస్తువును జూపి కడపట విరక్తిఁ గడు బోధించి తడవి శ్రీవేంకటేశు దాసులఁ దప్పించి వుడివోని జీవులకు నుపదేశించేరు	॥పురు॥