ఆంధ్రభారతి - తాళ్లపాక అన్నమాచార్య కీర్తనలు - భూమిలోనఁ గొత్తలాయఁ బుత్రోత్సవ మిదివో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 203-5
సంపుటము: 3-17

తాళ్లపాక అన్నమాచార్య

రాగము: రామక్రియ

భూమిలోనఁ గొత్తలాయఁ బుత్రోత్సవ మిదివో నేమపు కృష్ణజయంతి నేఁడే యమ్మా	॥పల్లవి॥
కావిరి బ్రహ్మాండము కడుపులో నున్నవాని దేవకి గర్భమున నద్దిర మోచెను దేవతలెల్ల వెదకి తెలిసి కాననివాని యీవల వసుదేవుఁడు యెట్టు గనెనమ్మా	॥భూమి॥
పొడవుకుఁ బొడవైన పురుషోత్తముఁడు నేఁడు అడరి తొట్టెల బా‌లుఁడాయనమ్మ వుడగక యజ్ఞ భాగ మొగి నారగించేవాఁడు కొడుకై తల్లి చన్ను గుడిచీనమ్మా	॥భూమి॥
పాలజలధి యల్లుండె(డై?) పాయకుండే యీతనికి పాలవుట్ల పండుగ బాఁతే(తా?)యనటే ఆలరి శ్రీవేంకటాద్రి నాటలాడనే మరిగి పేలరియై కడు పెచ్చువెరిగీనమ్మా	॥భూమి॥